اسلام آباد(مانیٹرنگ ڈیسک) اگر حکومت کے پاس پیسے نہیں تو عمران خان اپنا بنی گالا بیچیں اور عازمین حج کو سہولت فراہم کریں۔معروف عالم دین علامہ ناصر مدنی کی حج کے اخراجات میں اضافے پر اپنے مخصوص انداز میں تنقید ۔
تفصیلات کے مطابق معروف عالم دین علامہ ناصر مدنی کی سوشل میڈیا پر ایک بیان کی ویڈیو وائرل ہوئی جس میں انہوں نے پاکستان تحریک انصاف کی حکومت پر خوب برہمی کا اظہار کیا۔وزیر اعظم عمران خان کو آڑے ہاتھوں لیتے ہوئے انہوں نے کہا کہ 2017ء میں امیر المومنین کہتے تھے کہ میں یوں کردوں گا، میں وہ کردوں گا اور اب 2020ء میں کہتے ہیں کہ اس تنخواہ میں میرا اپنا گزارا نہیں ہوتا۔علامہ ناصر مدنی نے غصے سے کہا کہ امیر المومنین مدینے کی ریاست کے نام لیوا لوگوں کو مدینے ہی نہیں جانے دے رہے۔انہوں نے حکومت پر شدید تنقید کرتے ہوئے کہا کہ حکومت نے اڑھائی لاکھ روپے کا حج 5 لاکھ 68 ہزار روپے کا کر دیا ہے اگر حکومت کے پاس پیسے نہیں تو عمران خان اپنا بنی گالا کا گھر اور وزراء اپنی گاڑیاں بیچیں اور عازمین حج کو سہولت فراہم کریں۔
