لاہور(این این آئی) مسلم لیگ (ن) نے پنجاب میں ان ہائوس تبدیلی کے لئے نمبر گیم پورے ہونے کا دعوی کردیا ۔پنجاب اسمبلی میں میڈیا سے گفتگو کرتے ہوئے لیگی رکن وارث کلو نے کہا کہ نواز شریف آج ہمیں حکم کریں تو پنجاب اور وفاق میں حکومت بدل دیں گے۔انہوں نے کہا کہ شہباز شریف بھی ان ہائوس تبدیلی کے خواہاں ہیں،بس نواز شریف
کی ہاں کا انتظار ہے کیونکہ نواز شریف کی اجازت کے بغیر نہ شہباز شریف کچھ کرسکتے ہیں نہ ہی پارٹی کوئی عملی پیشرفت کر سکتی ہے۔لیگی رکن نے (ق)لیگ کے ساتھ بھی رابطوں کی تصدیق کرتے ہوئے کہا کہ (ق)لیگ تو ہے ہی ہماری ،وہ غیر نہیں ہیں،اشارہ ملے گا تو پہلے پنجاب میں ان ہائوس تبدیلی آئے گی پھر وفاق میں یہ مشق کی جائے گی۔
