اسلام آباد(مانیٹرنگ ڈیسک)سابق گورنر سلمان تاثیر کی بیٹی سارا تاثیر نے کرتارپور راہداری کی تعریفوں کے پل باندھ دیئے ‘ ساتھ ہی ساتھ وزیراعظم عمران خان کا شکریہ بھی ادا کیا۔ تفصیلات کے مطابق ٹویٹر پر جاری ایک بیان میں سارا تاثیر کا کہنا ہے کہ میں نے کرتارپور راہداری کا دورہ کیا ۔ کرتارپور آنے کے بعد معلوم ہوا کہ
یہ جگہ بہت ہی صاف اور پر امن ہے۔سارا تاثیر نے عمران خان کا شکریہ ادا کیا۔ساتھ ہی ساتھ سارا تاثیر نے ایک سکھ خاتون کی ویڈیو بھی شیئر کی۔ جس میں خاتون پاکستان آنے پر بہت خوش نظر آتی ہے اور کرتار پور راہداری کی تعریف کرتے ہوئے اطمینان کا اظہا رکرتی ہے۔ خاتون کا کہنا تھا کہ دونوں ملکوں کے لوگوں میں کوئی فرق نہیں۔
