کراچی(این این آئی)وفاقی حکومت کی اتحادی جماعت گرینڈ ڈیموکریٹک الائنس(جی ڈی اے)نے نئے آئی جی کے لیے سندھ حکومت کے بھیجے گئے 5 ناموں پر اعتراض کردیا ہے۔ذرائع کے مطابق یہ اعتراض گزشتہ روز وزیر اعظم سے ملاقات اور منگل کو وفاقی کابینہ کے اجلاس میں کیا گیا۔

ذرائع کے مطابق وفاقی حکومت سندھ حکومت سے نئے نام بھیجنے کے لیے کہہ سکتی ہے۔سندھ حکومت کی طرف سے نئے آئی جی سندھ کے لیے5 نام بھیجے گئے تھے۔ان میں مشتاق مہر، غلام قادر تھیبو، ڈاکٹر کامران فضل، ثنااللہ عباسی اور انعام غنی کا نام شامل ہے۔

موضوعات:آئی جی سندھ معاملہ گرینڈ ڈیموکریٹک الائنس