اسلام آباد(مانیٹرنگ ڈیسک)غیر ملکی خواتین کو بلیک میل کرنے والے شخص کو گرفتار کر لیا گیا ۔تفصیلات کے مطابق میرپور خاص میں ایف آئی اے سائبر کرائم نے کارروائی کی اور ملزم عفان کو گرفتار کر لیا ہے۔ابتدائی تفتیش میں سامنے آیا ہے کہ عفان غیر ملکی خواتین کو بلیک میل کرتاتھا، جس کیلئے وہ ٹیکنالوجی کا سہارا لیا خواتین سے فیس بک اور دیگر سوشل میڈیا پلیٹ فارمز پر خواتین سے

متعلق ذاتی معلومات لیتا تھا اور بعد میں انہیں بلیک میل کرتا تھا ۔ ایرانی اور افغانی خواتین عفان کازیادہ تر شکار بنی ہیں۔سائبر کرائم ونگ کی جانب سے بتایا گیا ہے کہ عفان کے پاس 150 سے زیادہ فیس بک اور انسٹاگرام اکاونٹس ہیں جن کی بدولت وہ خواتین کو بلیک میل کرتا تھا جبکہ نوجوان اپنے موبائل فون میں 8 واٹس ایپ اکاونٹ بھی استعمال کرتاتھا جس سے یہ خواتین سے رابطے قائم کرتا تھا۔