نیویارک (این این آئی)امریکی اخبار کی جانب سے یوکرین کے مسافر طیارے کو نشانہ بنائے جانے کی ایک اور سی سی ٹی وی ویڈیو نے نئی بحث چھیڑ دی ہے۔ امریکی اخبار نے اپنی رپورٹ میں کہاکہ جہاز کو ایک نہیں دو میزائلوں نے نشانہ بنایا ہے، ویڈیو میں موجود تاریخ کے بارے میں فرق ایرانی اور قمری کلینڈر کے باعث ہے
۔ویڈیو کے مطابق جہاز پر پہلے ایک میزائل داغا گیا، اس کے بعد دوسرا میزائل فائر کیا گیا، پہلے میزائل سے طیارے کے سسٹم نے کام کرنا چھوڑ دیا اور رابطہ منقطع ہوگیا تھا۔یوکرین کے سیکیورٹی چیف کا کہنا تھا کہ میزائل طیارے کے کاک پٹ کے نیچے لگا جس کی وجہ سے دونوں پائلٹ فورا ًہی ہلاک ہوگئے تھے۔
