بغداد(این این آئی)عراق کے دارالحکومت بغداد کے شمال میں قائم التاجی فوجی کیمپ پانچ راکٹ داغے گئے جس کے نتیجے میں فوجی اڈے کو نقصان پہنچا ہے۔عرب ٹی وی کے مطابق شمالی بغداد میں واقع فوجی اڈے پر5 کاتیوشا راکٹ داغے گئے جس کے نتیجے میں فوجی تنصیبات کو نقصان پہنچا ہے تاہم کسی قسم کے جانی نقصان کی اطلاع نہیں ملی۔
مقامی ذرائع کا کہناتھا کہ التاجی فوجی کیمپ پر راکٹوں سے حملہ کیا گیا۔ایک مقامی ذرائع نے نام ظاہر نہ کرنے کی شرط پربتایا کہ التاجی کیمپ پرحملے میں کسی کے ہلاک یا زخمی ہونے کی اطلاع نہیں ملی تاہم فوج کے میڈیا سیل کی طرف جاری کردہ بیان میں کہا گیا ہے کہ راکٹ حملوں میں کوئی جانی نقصان نہیں ہوا۔
