لاہور (آن لائن) لاہور سے مسلم لیگ ن کے کارکنوں اظہر منیر،محمد امجد،تنویر خلیل،نعمان لطیف،محمد عمران،محمد عمران مغل،گلفام لطیف،اسلم خان،محمد رضوان،مرزا احمدندیم حنیف،ایم شفیق چوہدری نے مسلم لیگی رہنما میاں عبدالرشید بوٹی کے ہمراہ مسلم لیگ ہاؤس میں پاکستان مسلم لیگ پنجاب کے جنرل سیکرٹری سینیٹر کامل علی آغاسے ملاقات کی اور چوہدری شجاعت حسین اور چوہدری پرویز الہٰی کی قیادت پر اعتماد کا اظہار کرتے ہوئے مسلم لیگ میں
شمولیت کا اعلان کیا۔کامل علی آغا نے ن لیگ لاہور کے کارکنوں کی پاکستان مسلم لیگ میں شمولیت کا خیر مقدم کرتے ہوئے کہا کہ ان کی شمولیت سے مسلم لیگ فعال و مضبوط ہوگی،انہوں نے کہا کہ پاکستان مسلم لیگ ہی ملک کی خالق جماعت ہیں اور یہ ہی ملک کو مستحکم، فعال اور مضبوط بنانے کیلئے اپنا کردار ادا کرے گی۔انہوں نے کہا کہ نئے شامل ہونے والے پارٹی میں شامل ہوکر تنظیمی خدمات سرانجام دیں۔ انہیں پارٹی میں اہم عہدوں دیئے جائیں گے۔
