وانا(این این آئی)جنوبی وزیرستان وانا میں شدید برفباری اور بارش کی وجہ سے ہزاروں لینڈلائن فون نمبر ز بیٹھ گئے جبکہ ساتھ ساتھ اکثروں دوردراز علاقوں میں بجلی کی ترسیل منقطح ہوگئی،ضلعی انتظامیہ اور محکمہ پی ٹی سی ایل حکام اور محکمہ ٹیسکو حکام خاموش تماشائی بن کر
بیٹھی ہے کوئی پوچھنے والا نہیں۔ علاقہ مکین نے صوبائی حکومت کے ترجمان ومشیر قبائلی اضلاع اجمل وزیر اور چیف سیکرٹری کے پی کے سے نوٹس لینے کا مطالبہ کیا۔دوسری جانب علاقہ مکینوں کا کہنا ہے کہ محکمہ پی ٹی سی ایل وانا کے ایس ڈی او عبدالواسط نے اپنے دھندہ کو فروغ دینے کیلئے نان ٹیکنیکل لڑکے رکھے ہوئے ہیں جو فون نمبر کو ٹھیک کرنے کی بجائے خراب کردیتاہے یادرہے کہ اس ایس ڈی او پر کھلی کچہریوں میں کئی بار شکایات کی گئی لیکن ڈی سی اور اے سی نے اس کے خلاف کوئی کاروائی نہیں کی۔علاقہ مکین کا مزید کہنا ہے کہ گزشتہ دو مہینوں سے مسلسل 24گھنٹوں میں صرف4گھنٹے بجلی آتی ہے وہ بھی آنکھ مچولی کی طرح یعنی نہ ہونے کے برابر ہے۔لوگوں نے اعلیٰ حکام سے پرزور آپیل کی کہ خداراہ متعلقہ محکموں کے سربراہان کے خلاف قانونی کاروائی کی جائے اور ہماری مشکلات کا فوری طور پر ازالہ کیا جائے۔
