لاہور( این این آئی)کاشانہ ویلفیئر ہوم کی سابقہ سپرنٹنڈنٹ افشاں لطیف نے کہا ہے کہ اجمل چیمہ نے بطورصوبائی وزیر وزیراعلیٰ معائنہ ٹیم اپنی زیر نگرانی رپورٹ تیار کرائی اور دنیا میں اس طرح کی تحقیقات کی دوسری کوئی مثال موجود نہیں۔ اپنے ویڈیو بیان میں انہوںنے کہا کہ وزیر اعلیٰ معائنہ ٹیم نے اجمل چیمہ کو سابق صوبائی وزیر ظاہر کیا جو ان کی مجرمانہ کردار کی بھرپور عکاسی کرتی ہے حالانکہ اجمل چیمہ اس وقت
صوبائی وزیر برائے وزیراعلیٰ معائنہ ٹیم ہیں اور انہوں نے اپنے ماتحت ادارے سے اپنے حق میں رپورٹ بنوائی ۔انہوں نے کہا کہ اجمل چیمہ اگر آئینے کے سامنے اکیلابھی کھڑا ہو جائے تو خود کو کلیئر نہیں کر سکتا تو پھر وزیر اعلیٰ معائنہ ٹیم نے کس بنیاد پر انہیں کلین چٹ دیدی۔ اجمل چیمہ نے ٹی وی چینلز پر مجھے گالیاں دیں او رہت عزت کا دعویٰ دائر کرنے کا اعلان کیا جبکہ اس کے بعد عدالت کا راستہ ہی بھول گیا۔
