کوئٹہ(این این آئی)بلوچستان کے گریڈ 20 کے ایک سرکاری افسر کے کروڑوں روپے مالیت کے غیر قانونی اثاثہ جات سامنے آنے پر قومی احتساب بیورو بلوچستان نے مینیجنگ ڈائریکٹر پسنی فش ہاربر اتھارٹی بلوچستان علی گل کرد کے خلاف ریفرنس احتساب عدالت کوئٹہ میں دائر کر دیا ہے۔تفصیلات کے مطابق سابق ڈی جی خزانہ آفس کوئٹہ اور موجودہ ایم ڈی پسنی فش ہاربر اتھارٹی علی گل کرد کے خلاف غیر قانونی اثاثہ جات کی
شکایت کی تحقیقات کے دوران انکشاف ہوا کہ ملزم علی گل کرد نے اپنے اور اپنے بینامی دار کے نام کوئٹہ، مستونگ اور بلوچستان کے صنعتی شہر حب میں کروڑوں روپے مالیت کی قیمتی جائیدادیں بنا رکھیں ہیں۔ ان جائیدادوں میں کوئٹہ کے مہنگے علاقیمیں رہائشی اور کمرشل پلازے بھی نیب بلوچستان نے ملزم کے خلاف اثاثہ جات کیس کی تحقیقات مکمل کر کے ریفرنس احتساب عدالت کوئٹہ میں داخل کردیا ہے۔
