اسلام آباد(مانیٹرنگ ڈیسک)نجی ٹی وی پروگرام میں گفتگو کرتے ہوئے صحافی عارف حمید بھٹی کا کہنا ہے کہ احسن اقبال زیادہ امیر گھرانے سے نہیں ۔ان کی والدہ بہت قابل احترام اور قابل عزت ہیں۔احسن اقبال نے سیاست میں کسی بھی جگہ نیک نامی نہیں کمائی،کچھ باتیں تو میں یقین سے کہہ رہا ہوں۔عارف حمید بھٹی کا کہنا ہے کہ احسن اقبال کو اگر وی وی آئی پی گیسٹ ہاؤس بنا کرجیل نہ دی گئی
تو ان سے کم سے کم 40 سے 50 ارب ریکور ہوسکتے ہیں، نواز شریف تو جیل میں نہیں گیسٹ ہاؤس میں رہ رہے تھے اگر احسن اقبال کو ایسی جگہ فراہم نہ کی جائے تو ان سے اربوں روپے کی ریکوری ممکن ہے۔لیکن ان کو بھی کوئی بچانے والا آ جائے گا جیسے پہلے والوں کو بچانے آ گئے تھے۔احسن اقبال کو کوئی بچانے نہ آیا تو ان کی بدولت 40 سے 50 ارب روپے سرکاری خزانے میں آئیں گے۔
