اسلام آباد (این این آئی)وفاقی وزیر فیصل واوڈا نے ن لیگ کے سینئر رہنما اور سابق وفاقی وزیر داخلہ احسن اقبال جیسے لوگوں کو کم از کم 3 دن لٹکانے کا مطالبہ کردیا۔ ایک بیان میں تحریک انصاف کے سینئر رہنما اور وفاقی وزیر فیصل واوڈا نے احسن اقبال کی نارووال اسپورٹس سٹی کیس میں نیب گرفتاری پر ردعمل کا اظہار کیا۔فیصل واوڈا نے
ن لیگی رہنما کو سابق وزیراعظم نواز شریف سے بھی بڑا ڈاکو قرار دیا اور کہا کہ احسن اقبال عرف ارسطو عرف منافق سب سے بڑا ڈاکو ہے۔انہوں نے کہا کہ احسن اقبال کی فرنٹ کمپنی اور رشتے داروں کی فہرست جلد سب کے سامنے لاؤں گا۔پی ٹی آئی حکومت کے وفاقی وزیر نے احسن اقبال کو کم از کم 3 دن تک لٹکانے کا مطالبہ بھی کیا۔
