اسلام آباد (مانیٹرنگ ڈیسک) ن لیگ کے سیکرٹری جنرل احسن اقبال کے بیٹے احمد اقبال نے الزام عائد کیا ہے کہ ان کے والد کی گرفتاری کیلئے وزیر اعظم عمران خان نے نیب پر دباؤ ڈالا ۔ ایف آئی اے کے سابق ڈی جی نے جب سیاسی دباؤ لینے سے انکار کیا تو انہیں سائید لائن کرکے مستعفی ہونے پر مجبور کردیا گیا۔صحافیوں سے گفتگو کرتے ہوئے احمد اقبال نے کہا کہ
احسن اقبال کے حوصلے پست کرنے کیلئے اس طرح کے ہتھکنڈے استعمال کیے جارہے ہیں، اس طرح کے ہتھکنڈوں سے نہ ہمارے حوصلے پست ہوں گے اور نہ ہم پیچھے ہٹیں گے ، جو آوازیں خان صاحب کو تنگ کرتی ہیں ان میں اضافہ ہوگا۔انہوں نے کہا کہ احسن اقبال پر کرپشن ثابت نہیں ہوئی، اگر ان کے پاس ثبوت ہیں تو اس کو ثابت کرکے دکھائیں۔
