اسلام آباد (مانیٹرنگ ڈیسک) ڈاکٹر فردوس عاشق اعوان نے کہا ہے کہ اگر پیپلز پارٹی میں جمہوریت آئی تو فاطمہ بھٹو لیڈر بنیں گی۔سیالکوٹ میں پریس کانفرنس کرتے ہوئے معاونِ خصوصی برائے اطلاعات ڈاکٹر فردوس عاشق اعوان نے پاکستان پیپلز پارٹی کو ہدفِ تنقید بنایا، انہوں نے کہا ہے کہ وزیرِ اعلیٰ سندھ مراد علی شاہ کٹھ پتلی ہیں،
بلاول بھٹو زرداری انہیں آزاد کریں۔انہوں نے کہا کہ بلاول صحیح کہتے ہیں کہ پاکستان میں وہ جمہوریت نہیں جہاں پارٹی رہنماؤں کے اکاؤنٹ سے کھربوں روپے برآمد ہوں۔فردوس عاشق اعوان نے کہا کہ بلاول بھٹو پہلے اپنی پارٹی میں جمہوریت لے کر آئیں، دنیا نے دیکھا کہ مک مکے کی سیاست نے جمہوریت کی پیٹھ میں چھرا گھونپا۔
