پشاور(آن لائن) پی آئی اے کے ملازمین اور افسران کے تنخواہوں میں 7سے 12ہزار روپے تک اضافہ کی تجویز پر غور و خوص شروع کردیا ہے پی آئی اے کے ملازمین اور افسران کی تنخواہوں میں 2015میں اضافہ ہواتھا اور چار سال بعد ممکنہ طور پر تنخواہوں میں اضافہ کی تجویز پر غور و خوص کیا جارہا ہے پی آئی اے ذرائع کے مطابق گروپ ایک سے گروپ چار اور گروپ پانچ سے سپیشل گروپ تک تنخواہوں میں گریڈ کے مطابق اضافہ کردیاجائے گا جبکہ دیگر مراعات
اور الاونسز میں بھی اضافہ کے امکانات ہیں جبکہ کنٹریکٹ اور ڈیلی ویجیزملازمین کی تنخواہوں میں بھی اضافہ کی تجویز زیر غور ہے ماضی میں پی آئی اے کی حالت انتہائی ناگفتہ تھی تاہم قومی ادارے کو منافع بخش بنانے کے لئے موجودہ سی او کی جانب سے اہم اقدامات کئے جا رہے ہیں جس سے ادارے کی حالت بہتر ہونے لگی ہے جبکہ پشاور سے ممکنہ طور پر لاہور سمیت عنقریب نئے مقامات کے لئے بھی پروازیں شروع ہونے کے بھی امکانات پیدا ہو گئے ہیں۔
