اسلام آباد (این این آئی) معروف قانو ن دان اکرم شیخ نے کہا ہے کہ گھر میں ڈکیتی کی واردات کیلئے آنے والے ڈاکوؤں نے ان سے عجیب سوالا ت کیے تھے،ڈاکو بندوق کی نوک پر مقدمات کی فائلوں کا پوچھتے رہے،۔ ایک انٹرویو میں اکرم شیخ نے کہا کہ ڈاکو بندوق کی نوک پر میرے مقدمات کی فائلوں کا پوچھتے رہے، دستانے پہنے اور چہرے پر ماسک چڑھائے ڈاکو

پہلے میرے بیٹے کے کمرے میں گئے تھے۔ماہر قانون نے کہا کہ میں نے صبح پانچ بج کر پانچ منٹ پر ون فائیو پر اطلاع دی تھی جبکہ ڈاکوؤں نے دو گھنٹے پچیس منٹ تک ہمیں یرغمال بنائے رکھا۔اکرم شیخ نے کہا کہ میں نے ڈاکو سے کہا تہجد کا وقت ہے وضو کرکے نماز ادا کرنے دو، جس پرایک ڈاکو نے کہاہم اجازت دیتے ہیں لیکن ہمارے لیے بددعا نہیں کرنا۔