سرگودھا(این این آئی)راولپنڈی سے کراچی جانے والی ہزارہ ایکسپریس ٹرین سرگودھا کے قریب حادثہ کا شکار ہو گئی جس میں کوئی جانی نقصان نہیں ہوا جس کے بعد ٹرین کو اپنی منزل کی طرف روانہ کر دیا گیا۔ذرائع کے مطابق راولپنڈی سے سرگودھا ریلوے اسٹیشن آ کر کراچی جانے والی ھزارہ ایکسپریس ٹرین
روانہ ہوئی اور سرگودھا کچہ پھاٹک کے قریب چنگ چی رکشہ کھلے ریلوے پھاٹک کے باعث ٹریک پر آگیا اورہزارہ ایکسپریس ٹرین کا انجن چنگ چی رکشہ سے جا ٹکرایاجس میں کوئی جانی نقصان نہیں ہوا اور ٹرین بھی بال بال بچی گئی۔ہزارہ ایکسپریس ٹرین کو کچھ دیر میں اپنی منزل کی طرف روانہ کر دیا گیا۔
