اسلام آباد(نیوزڈیسک)ن لیگ کی حکومت کی جانب سے لیاگیامہنگا ترین ایک ارب ڈالر کا قرض تحریک انصاف کی حکومت نے سود سمیت واپس کردیا،سٹیٹ بینک کی رپورٹ جاری، تفصیلات کے مطابق مسلم لیگ ن کے دور حکومت میں لیاگیا مہنگا ترین ایک ارب ڈالرز کا قرض تحریک انصاف کے دور حکومت میں سود سمیت واپس اداکردیاگیا ہے، سٹیٹ بینک آف پاکستان کی جاری کردہ آؤٹ لک رپورٹ کی
تفصیلات کے مطابق پاکستان نے پیرکے روز ایک سکوک کی پختگی پر 1 بلین ڈالر سے زائد کی ادائیگی سود سمیت کردی ہے واضح رہے کہ یہ سکوک ماہ نومبر 2014 ء میں نواز شریف کے کے دور حکومت میں پاکستان نے بین الاقوامی منڈی میں جاری کرکے ایک ارب ڈالر جمع کئے تھے،رواں مالی سال میں مزید399.5 ملین کا سود سکوک اور یورو بانڈز کے بقایاجات پر ادا کیا جائے گا۔دریں اثناء عالمی ریٹنگ ایجنسی موڈیز نے پاکستان کا آؤٹ لک منفی سے مثبت کر دیا۔ادارے نے اپنی تازہ رپورٹ میں بتایا کہ پاکستان کی بین الاقوامی ادائیگیوں کی صورتحال بہترہوئی ہے اور مستقبل میں بھی مزید بہتر ہوگی۔موڈیز کے مطابق پاکستان کے زرمبادلہ کے ذخائر میں بتدریج اضافہ ہو رہا ہے اور کریڈٹ پالیسی میں بھی استحکام برقرار ہے۔رپورٹ میں بتایا گیا ہے کہ ماضی میں روپیہ کمزور ہونے سے قرضوں کا بوجھ بڑھ گیا تھا۔وزارت خزانہ کے مطابق موڈیز نے پاکستان کا معاشی آؤٹ لک منفی سے بدل کر مستحکم کر دیا۔ پاکستان کی ساورن کریڈٹ ریٹنگ کی بی تھری کے طور پر نئے سرے سے تصدیق کی ہے۔معاشی آؤٹ لک کی منفی سے مستحکم درجے میں ترقی ملکی معیشت کو سنبھالنے اور مستحکم بنانے کی حکومتی کوششوں پر اعتماد کا اظہار ہے، حکومت مستقبل میں تیز تر، پائیدار اور یکساں معاشی ترقی کو مضبوط بنیادوں پر استوار کرنے کے لیے معاشی اصلاحات کے ایجنڈا پر گامزن رہے گی۔
