لاہور(این این آئی) پاکستان مسلم لیگ (ن)کی ترجمان مریم اورنگزیب نے آرمی چیف کی مدت ملازمت میں توسیع سے متعلق سپریم کورٹ کے فیصلے پر تبصرہ کرتے ہوئے کہاہے کہ عمران صاحب آپ کا بیان کسیانی بلی کھمبا نوچے کے مترادف ہے،ثابت ہوگیا ہے کہ آپ نالائق تھے، نالائق ہیں اور نالائق ہی رہیں گے،آپ کی نالائقی کی سپریم کورٹ نے بھی بار بار نشاندہی کی۔ اپنے ایک بیان میں انہوں نے کہاکہ عمران خان ہمیشہ کی طرح
اپنی نالائقی اور نااہلی کا بوجھ دوسروں پر ڈالنے کی ناکام کوشش کررہے ہیں۔لوٹنے کا جن پر الزام لگایا، ان پر ایک دھیلے کی کرپشن آپ ثابت نہ پائے۔البتہ قوم کے سامنے ہر روز، ہر منٹ اور ہر سکینڈ آپ اپنی نالائقی، جھوٹ اور نااہلی ثابت کررہے ہیں،آپ جیسے تاریخی نالائق اور نااہل کے ہوتے ہوئے کسی اور دشمن کی ضرورت نہیں،افسوس آج آپ کی نالائقی، نااہلی اور جھوٹ کی بناپر ملک غیرمحفوظ ہورہا ہے۔
