اسلام آباد( آن لائن )چین پاکستان اقتصادی راہداری (سی پیک) منصوبے کے تحت چین کی مختلف کمپنیاںاپنے چھوٹے اور درمیانے درجے کے پیداواری یونٹس کی پاکستان منتقلی کے خواہشمند ہیں اور یہ اقدام حکومتِ پاکستان کی درآمدات میں کمی اور برآمدات میں اضافے کی پالیسی کے لئے نہایت معاون ثابت ہوگا۔ سرمایہ کاری بورڈ کے حکام کے مطابق چینی کمپنیاں پاکستانی تاجروں کے ساتھ مشترکہ تجارتی سرگرمیوں کے فروغ کے ذریعے اپنی مصنوعات متعارف کرانے کے خواہاں ہیں۔چینی پیداواری یونٹس پاکستان کے ساتھ ساتھ
خطے کے دیگر ممالک میں منتقلی کے بھی خواہاں ہیں کیونکہ چین میں محنت کشوں کی ماہانہ آمدن1000 ڈالر جبکہ پاکستان میں 200 ڈالر ہے جس کے سبب سستی افرادی قوت میسر آتی ہے۔ واضح رہے کہ دونوں ملکوں کی مشترکہ تجارتی سرگرمیوں میں 97 فیصد ملازمین پاکستانی ہوںگے جبکہ صرف 3 فیصد چینی کمپنیوں اور پراجیکٹس کے اعلی عہدیداران شامل ہوںگے۔پاکستان محفوظ کرنے کے عمل اور پیکنگ کی ٹیکنالوجیز چین کی مدد سے حاصل کرکے بین الاقوامی سطح پر حلال فوڈمتعارف کرا سکتا ہے۔