اسلام آباد (این این آئی)پاکستان مسلم لیگ (ن) کے صدر اور قائد حزب اختلاف شہباز شریف نے پارٹی کی سینئر قیادت کا اہم اجلاس جمعرات کو طلب کرلیا،اجلاس میں نوازشریف کے حوالے سے اپنی نوعیت کے منفرد حکومتی فیصلے کے بعد کی حکمت عملی پر سینئر قیادت کو اعتماد میں لیا جائے گا،اجلاس کے بعد قائد حزب اختلاف
شہباز شریف سہہ پہر تین بجے اہم پریس کانفرنس سے خطاب کریں گے۔ ترجمان مریم اور نگزیب نے کہاکہ محمد نواز شریف کو کچھ ہوا تو اس کی ذمہ دار بے حس اور سنگ دل حکومت ہو گی،حکومت تاخیری حربوں کے ذریعے محمد نوازشریف کی زندگی اور صحت کے ساتھ خطرناک کھیل کھیل رہی ہے۔
