لاہور(این این آئی)آزادی مارچ کے حوالے سے صدر مسلم لیگ (ن)شہباز شریف کی زیرصدارت اہم اجلاس ہوا۔ اجلاس میں رہبر کمیٹی کے تمام فیصلوں کو تسلیم کرنے پر اتفاق کیا گیا۔صدر مسلم لیگ (ن)شہباز شریف کی زیر صدارت انکی رہائش گاہ میں ہونے والے مشاورتی اجلاس میں جنرل سیکرٹری احسن اقبال اور مریم اورنگزیب سمیت
دیگر رہنما شریک ہوئے۔ احسن اقبال نے شہباز شریف کو رہبر کمیٹی اور حکومتی مذاکراتی کمیٹی بارے بریف کیا۔ذرائع کا کہنا ہے کہ رہبر کمیٹی کے اجلاس میں مسلم لیگ (ن)حکومت سے مذاکرات نہ کرنے پر زور دے گی۔ تاہم شہباز شریف نے احسن اقبال کو ہدایت کی ہے کہ رہبر کمیٹی جو فیصلہ کرے وہ تسلیم کیا جائے گا۔
