اسلام آباد (این این آئی) وفاقی وزیر سائنس اینڈ ٹیکنالوجی فواد چوہدری نے ایک بار پھر وضاحت کی ہے کہ گزشتہ روز ایک تقریب میں ملازمتوں کے حوالے سے میرے بیان کو غلط تناظر میں پیش کیا گیا۔ بدھ کو جاری ایک بیان میں فواد چوہدری نے کہاکہ میرا مدعا یہ تھا اور آج بھی اس پر قائم ہوں کہ سرکاری ملازمتوں کی فراہمی معیشت کا مستقل حل نہیں ہے۔ انہوں نے کہاکہ اگر تحریک انصاف نے ایک کروڑ نوکریوں کا کہا تھا تو اس کا ہرگز یہ مطلب نہیں کہ
ایک کروڑ ‘سرکاری’ نوکریاں فراہم کی جائینگی۔ انہوں نے کہاکہ حکومت کس کا کام ایسے مواقع پیدا کرنس ہے کہ جس میں ملازمتیں پیدا ہوں۔ انہوں نے کہاکہ ملک کی کل ملازمتوں میں حکومتی ورک فورس کا تناسب صرف 6 فیصد ہے، باقی 94 فیصد ملازمتیں پرائیویٹ سیکٹر کی ہیں۔ انہوں نے کہاکہ اگر ہم اس 6 فیصد کو دگنا بھی کردیں تب بھی روزگار کا مسئلہ حل نہیں ہوگا۔ انہوں نے کہاکہ اور اگر ایسا کیا بھی جائے تو معیشت کے ساتھ حکومتی ادارے بھی بیٹھ جائینگے۔
