لاہور(این این آئی)لالی ووڈ سٹار ثناء نے کہا ہے کہ انسان کی خواہشیں ساری زندگی ختم نہیں ہو سکتیں لیکن میں نے جو کچھ پا لیا ہے اس سے زیادہ کی ہرگز خوہش نہیں،ساری توجہ اپنے بچوں کی تربیت پر مرکوز کر رکھی ہے اور وہ مستقبل میں جس بھی شعبے میں جانا چاہیں میں انہیں سپورٹ کروں گی۔ ’’ این این آئی ‘‘ سے خصوصی گفتگو کرتے ہوئے ثناء نے کہا کہ میں چاہتی ہوں کہ میرے بچے اس ملک کے باعزت شہری بنیں، مجھے ان کے

شوبز میں آنے پر بھی کوئی اعتراض نہیں ہوگا لیکن میں چاہتی ہوں کہ و ہ پاک فوج یا سول سروس میں سے کسی ایک شعبے کا انتخاب کریں لیکن یہ طے ہے کہ میں اپنی مرضی مسلط نہیں کروں گی ۔ انہوںنے کہا کہ میں اپنے بچوں کی تربیت ایک بہترین ماں کے طو رپر کر رہی ہوں اورمجھے یقین ہے کہ میری تربیت ان کی زندگی پر اچھا اثر ڈالے گی ۔شوبز میں مصروفیات کے باوجود اپنے بچوں پر مکمل توجہ دیتی ہوں اور ان کی پڑھائی کے حوالے سے خود سب کچھ دیکھتی ہوں ۔

موضوعات:ثناء