لاہور( این این آئی )پاکستان ٹیلی وژن کے معروف کوئز شو ’’ بزم طارق عزیز ‘‘ کی ریکارڈنگ اگلے ماہ سے دوبارہ شروع ہو جائے گی۔ پروگرام کے میزبان طارق عزیز کی حج کی سعادت حاصل کرنے کیلئے سعودی عرب میں موجودگی کی وجہ سے پروگرام کی ریکارڈنگ میں تعطل آیا ہوا تھا تاہم ان کے پاکستان واپس
پہنچنے کے بعد محرم کے احترام میں شو کی ریکارڈنگ کو التواء میں کر دیا گیا ۔بتایا گیا ہے کہ اب اگلے ماہ سے دوبارہ سے ’’بزم طارق عزیز ‘‘کی ریکارڈنگ الحمرا ہال نمبر ایک میں شروع کر دی جائے گی ۔ اس کوئز شو کے پروڈیوسر آغا قیصر ہیں اور یہ شو گزشتہ کئی سالوں سے پی ٹی وی سے پیش کیا جارہا ہے ۔
