اسلام آبا(نیوزڈیسک)پاکستان تحریک انصاف نے 16 جون کو سانحہ ماڈل ٹاﺅن میں جاں بحق افراد کی برسی میں شامل ہونے کا فیصلہ کرلیا جبکہ چیئر مین عمران خان نے کہاہے کہ راولپنڈی میں پولیس کے ہاتھوں نوجوانوں کے قتل کے ذمے دار شریف برادران ہیں۔ پیر کو پی ٹی آئی چیئرمین عمران خان راولپنڈی میں پولیس فائرنگ سے جاں بحق 2 بھائیوں کے گھر پہنچے لواحقین سے اظہار تعزیت کے بعد میڈیا سے گفتگو میں انہوںنے کہاکہ نوجوانوں کے قتل کے ذمہ دار شریف برادران ہیں، پولیس کو کسی بھی واقعہ کی سزا نہ دینے پر یہ واقعہ رونما ہوا، پنجاب میں پولیس کو سیاسی مقاصد کیلئے استعمال کیا جاتا ہے، سیاسی استعمال کے باعث پولیس قاتل بن چکی ہے۔عمران خان نے کہاکہ سانحہ ماڈل ٹاون کے کسی ملزم کو آج تک کیفر کردار تک نہیں پہنچایا گیا، پی ٹی آئی نے 16 جون کو سانحہ ماڈل ٹاو ن کی برسی میں شامل ہونے کا فیصلہ کیا طاہر القادری کیساتھ تعزیتی تقریب میں شرکت کریں گے ایک سوال کے جواب میں عمران خان نے کہاکہ جب کسی کو پکڑے جانے کا خوف ہی نہیں ہو گا تو بہتری کیسے آئے گی۔