منڈی بہاﺅ الدین (نیوزڈیسک) منڈی بہاﺅ الدین کے حلقے این
اے 108 میں سیاسی دنگل کامیدان کل لگےگا ، ضمنی الیکشن میں مسلم لیگ نواز اور پی ٹی آئی کے درمیان کانٹے کا مقابلہ متوقع ہے۔ این اے ایک سو ا?ٹھ منڈی بہاﺅ الدین کی نشست پی ٹی آئی کے رکن قومی اسمبلی اعجاز احمد چودھری کو جعلی ڈگری اور انسانی سمگلنگ کیس میں نااہل قرار دینے پر خالی ہوئی تھی۔ کل ہونے والے ضمنی انتخاب کے لیے پولنگ عملے کو بیلٹ پیپرز اور دیگر سامان پولیس اور رینجرز کی نگرانی میں فراہم کر دیا گیا ہے۔ مسلم لیگ ن کے ممتاز احمد تارڑ اور تحریک انصاف کے محمد طارق تارڑ کے درمیان کانٹے کا مقابلہ متوقع ہے۔ پی پی پی کے آصف بشیربھاگٹ ، جماعت اسلامی کے ریاض فاروق ساہی ، ق لیگ کے حمزہ ناصر اقبال ، راہ حق پارٹی کے شہزاد محمود صدیقی ، پاکستان عوامی تحریک کے اعظم گجر سمیت دس امیدوار میدان میں ہیں۔ الیکشن کے لئے کل 289 پولنگ سٹیشن قائم کیے گئے ہیں۔ 62 پولنگ سٹیشن کو انتہائی حساس اور 112 کم حساس قرار دیا گیا ہے ، پولنگ سٹیشنز پر پولیس کے ساتھ رینجر بھی تعینات ہونگے۔ حلقے میں 4,31,269 رجسٹرڈ ووٹرز ہیں جن میں مرد ووٹرز کی تعداد 2,46,830 اور خواتین ووٹرزکی تعداد 1,84,439 ہے´۔