ممبئی (نیوزڈیسک )بھارت میں کسٹمز حکام نے ممبئی ایئرپورٹ پر کھڑے ایک طیارے کے دو ٹوائلٹس سے دو کروڑ انڈین روپے مالیت کا ا?ٹھ کلو گرام سونا برآمد کر لیا۔، کسٹم کے ایئر انٹیلی جنس یونٹ نے سونے کی سمگلنگ کے کیس میں ایک مسافر کو گرفتار کر لیا۔کسٹم حکام کو واضح اطلاع ملی تھی کہ جیٹ ایئر ویز کے 9W-539مسقط ممبئی کے دو ٹوائلٹس میں ایک کلو گرام وزنی اٹھ سونے کے بار موجود ہیں۔سونا ضبط کرنے کے بعد کسٹم حکام نے ایک مسافر سیگو نائنا کو گرفتار کیا، جس نے سونا رکھنے کا اعتراف کر لیا۔سیگو کے مطابق، یہ سونا طیارے کے کلکتہ پہنچنے پر نکالا جانا تھا۔کسٹمز کے ایڈیشنل کمشنر نے بتایا کہ ملزم ایک کورئیر ہے جو اپنے ہینڈلر کی ہدایات پر عمل کر رہا تھا۔’ملزم نے ٹوائلٹس کے اندر موجود کچرہ دانوں میں سونا پھینک دیا، جس کے بعد کسی نے سکریو ڈرائیور کے مدد سے انہیں ٹوائلٹ کے اندر چھپا دیا۔حکام کو شبہ ہے کہ اس کیس میں طیارے کے کریو ارکان بھی ملوث ہو سکتے ہیں۔