اسلام آباد(آن لائن)اداکار حمزہ علی عباسی نے محسن عباس حیدر کے رویئے کو شرمناک قرار دیتے ہوئے کہا کہ محسن کا اپنی بیوی فاطمہ سہیل کیساتھ جارجانہ رویہ تھا اور اتنے زیادہ گواہوں کی موجودگی میں فاطمہ سہیل کو جھوٹا نہیںکہا جاسکتا ہے۔ایک ٹویٹ میں ان کا کہنا تھا کہ اسلام کسی پر ظلم کرنے کی ہرگز
اجازت نہیںدیتا ہے، ایک ایسی حاملہ خاتون پر تشدد جب ایک شوہر کو باپ بنانے جارہی ہو، ناقابل معافی ہے۔ ان کا کہنا تھا کہ وہ فاطمہ سہیل کیساتھ کھڑے ہیں اور ان کو افسوس ہے کہ بطور اداکار محسن عباس حیدر عوام کو اپنا غلط تاثر دے رہے ہیں کیونکہ لوگوں کی ایک بڑی تعداد ایک اداکار کی مداح ہوتی ہے۔
