لاہور (این این آئی) معروف پاکستانی ہدایتکارہ سنگیتا کی فلم ’’صرف تم ہی تو ہو‘‘ 3 سال کی تاخیر کے بعد 19 جولائی کو ریلیز کی جائے گی۔میڈیا رپورٹ کے مطابق سنگیتا اس حوالے سے چند روز میں پریس بریفنگ بھی دیں گی۔ ہدایتکارہ نے فلم کی پروموشن کا آغاز کر دیا ہے جس کے رائٹر سورج بابا ہیں۔ فلم کے مرکزی کرداروں میں

دانش تیمور، احمد عبدالرحمن، شیراز اور قرۃالعین نے اپنی اداکاری کے جوہر دکھائے ہیں۔مذکورہ فلم کی عکسبندی 2016 میں مکمل کی گئی، میڈیا رپورٹ کے مطابق کچھ مسائل کے سبب فلم ریلیز نہیں ہو سکی۔ اب 3 سال کے بعد فلم کا نیا ٹریلر جاری اور اعلان کیا گیا ہے کہ فلم 19 جولائی کو ریلیز کی جائے گی۔