لاہور(پ ر) وزیراعلیٰ پنجاب سردار عثمان بزدار نے کہا ہے کہ اے پی سی کے نام پر اپوزیشن کاڈرامہ بری طرح فلاپ رہا،لہذا اپوزیشن جماعتوں کو ناکام شو پراب منفی سیاست سے توبہ کرلینی چاہیئے۔ایک بیان میں وزیراعلیٰ نے کہاکہ 22 کروڑ عوام نے اپوزیشن کے غیر جمہوری طرز عمل کو مسترد کر دیا ہے۔ کرپٹ عناصر سن لیں،
قوم بے لاگ احتساب کی حامی ہے۔ وزیر اعظم عمران خان کرپشن کے خلاف جنگ کر رہے ہیں اور اپوزیشن لوٹ مار سے جمع دولت بچانے کی ناکام کوشش کر رہی ہے۔انہوں نے کہاکہ جو حشر اے پی سی کا ہوا ہے وہ اپوزیشن جماعتوں کیلئے نوشتہ دیوار ہے۔ کرپٹ عناصر کے کڑے احتساب سے ہی پاکستان آگے بڑھے گا۔
