اسلام آباد (آن لائن)سابق وزیر خزانہ اسحاق ڈار کی پاکستان کو حوالگی میں برطانوی قوانین رکاوٹ بن گئے۔ اسحاق ڈار کی واپسی کیلئے کیا گیا ایم او یو بھی کام نہ آیا، پہلے برطانوی عدالت میں ثابت کرنا ہوگا کہ مقدمات سیاسی بنیادوں پر نہیں بنائے گئے۔ برطانیہ نے ایم او یو پر دستخط کرتے وقت قانونی تقاضے پورے کرکے اسحاق ڈار کو حوالے کرنے کی یقین دہانی کروائی تھی۔ میڈیا رپورٹس کے مطابق نیب مقدمات میں مفرور اور عدالتوں کو مطلوب سابق وفاقی وزیر خزانہ کی پاکستان حوالگی میں وکاوٹیں سامنے آگئیں۔ برطانوی
حکام کے مطابق پاکستان کو پہلے برطانوی عدالت میں ثابت کرنا ہوگا کہ مقدمات سیاسی بنیادوں پر نہیں بنائے گئے اس کے بعد برطانوی عدالت طے کرے گی کہ اسحاق ڈار کو پاکستان کے حوالے کرنا ہے یا نہیں۔ پاکستان اور برطانوی حکومت کے درمیان ایم او یو پر دستخط کے وقت یقین دہانی کرائی گئی تھی کہ قانونی تقاضے پورے کرنے کے بعد انہیں پاکستان کے حوالے کیا جاسکتا ہے۔ تاہم اب برطانوی حکومت نے اس یقین دہانی کو نظر انداز کرتے ہوئے فوری طورپر اسحاق ڈٓر کی پاکستان کو حوالگی سے انکار کردیا ہے۔
