لاہور(این این آئی) کوٹ لکھپت جیل انتظامیہ کی درخواست پرسابق وزیر اعظم محمد نواز شریف کو ایک بار پھر میڈیکل کور فراہم کرنے کافیصلہ کیا گیا ہے۔ بتایا گیا ہے کہ کوٹ لکھپت جیل کی انتظامیہ کی درخواست پر سروسز ہسپتال کی جانب سے سابق وزیر اعظم محمد نواز شریف کیلئے کارڈیک کی جدید سہولتوں سے مزین ایمبولینس
فراہم کی جائے گی جبکہ پی آئی سی کے ڈاکٹرز بھی جیل میں ڈیوٹی دیں گے۔ذرائع کے مطابق پی آئی سی کے پاس کارڈیک ایمبولینس موجود نہ ہونے پر محکمہ سپیشلائزڈ ہیلتھ کی ہدایت پر کارڈیک مانیٹر، وینٹی لیٹر، ڈی فیبریلیٹر اور ای سی جی مشین سے لیس جدید ایمبولینس سروسز ہسپتال کی جانب سے فراہم کی جائے گی۔
