اسلام آباد (این این آئی)اسپیکر قومی اسمبلی اسد قیصر نے ملک کو معاشی بحران سے نکالنے کے لیے سب جماعتوں کو اکٹھا ہونے کی اپیل کر تے ہوئے کہاہے کہ قومی ایشوز پر سیاست سے بالاتر ہو کر سوچنا چاہیے،مجھے امید ہے قومی ایشوز پر تمام جماعتیں ایک پیج پر آئیں گی۔ پیر کو میڈیا سے بات چیت کرتے ہوئے اسپیکر اسد قیصر نے ملک کو معاشی بحران سے نکالنے کے لیے سب جماعتوں کو اکٹھا ہونے کی اپیل کر د ی۔ انہوں نے کہاکہ اپوزیشن لیڈر نے بھی میثاق معیشت کے حوالے سے بات کی تھی،میں نے قائد حزب اختلاف شہباز
شریف کی پیشکش کے بعد وزیر اعظم عمران خان سے بات کی۔ انہوں نے کہاکہ کچھ ایشوز ایسے ہوتے ہیں جو قومی مسائل ہوتے ہیں۔ انہوں نے کہاکہ قومی ایشوز پر سیاست سے بالاتر ہو کر سوچنا چاہیے۔ انہوں نے کہاکہ مجھے امید ہے کہ قومی ایشوز پر تمام جماعتیں ایک پیج پر آئیں گی۔ انہوں نے کہاکہ اپوزیشن نے پیشکش کی تھی جس کا حکومت مے مثبت جواب دیا ہے۔ انہوں نے کہاکہ تمام جماعتوں سے اپیل ہے کہ قومی مسائل پر مل بیٹھ کر بات کریں۔
