اسلام آباد (این این آئی) پاکستان مسلم لیگ (ن) کی ترجمان مریم اور نگزیب نے کہا ہے کہ عمران صاحب اسمبلی میں آئے ، اپوزیشن کے خوف کی وجہ سے خطاب کرنے کی ہمت نہ ہوئی۔ عمران صاحب کے متوقع خطاب پر مریم اورنگزیب نے اپنے بیان میں کہاکہ چلو جی عمران صاحب کا ایک دفعہ پھر خطاب اْن کے پچھلے تمام جھوٹوں کا ریکارڈ توڑے گا ۔

انہوںنے کہاکہ عمران صاحب اسمبلی میں آئے لیکن اپوزیشن کے خوف کی وجہ سے خطاب کرنے کی ہمت نہ ہوئی ۔ انہوںنے کہاکہ عمران صاحب پھر ایک دفعہ سرکاری خرچے پر عوام سے جھوٹ بولیں گے ۔ انہوںنے کہاکہ عمران صاحب پاکستان کی عوام کا نالائق، ووٹ چور اور گْھس بیٹھیئے وزیراعظم سے اعتماد اْٹھ چْکا ہے ۔انہوںنے کہاکہ ووٹ چور، سلیکٹڈ ، نالائق اور جھوٹے وزیراعظم کی ایمنسٹی سکیم فیل ہو گئی ہے ۔ انہوںنے کہاکہ علیمہ باجی ، جہانگیر ترین ، فیصل واڈا صاحب 30جون تک اپنے مزید غیر قانونی اثاثے ڈکلیئر کریں ، عمران صاحب کو تنگ نہ کریں اْن کی بات سْنیں ۔ انہوںنے کہاکہ عمران صاحب آپ سو خطاب کر لیں عوام مزید آپ کے جھانسے میں آنے والی نہیں ہے ۔ انہوںنے کہاکہ عمران صاحب عوام چوروں ، جھوٹوں اور نالائقوں کو ٹیکس نہ دینے کا حتمی فیصلہ کر چْکی ہے۔ انہوںنے کہاکہ عمران صاحب آپ کے وہی گھسے پٹے ترلے منتوں والے خطاب سے عوام بور ہو گئی ہے ۔ انہوںنے کہاکہ عمران صاحب ایک ہی دفعہ قوم سے معافی مانگنے کا خطاب کریں اور گھر جائیں۔