لاہور(این این آئی) فیڈرل بورڈ آف ریونیوکے چیئرمین سیدشبرزیدی نے کہاہے کہ حکومت ایمنسٹی سکیم کی مدت میں توسیع نہیں کرے گی۔ایک انٹر ویو میں گفتگو کرتے ہوئے انہوں نے کہاکہ ایف بی آر نے لوگوں کے بارے میں تمام متعلقہ اعدادوشمارجمع کرلئے ہیں۔ایک سوال پرایف بی آر کے چیئرمین
نے کہاکہ لوگوں کے پاس گھروں میں پڑے ہوئے زیورات اورغیر رجسٹرڈ گاڑیوں کے لئے یہ سکیم نہیں ہے۔ایف بی آرکے چیئرمین نے کہاکہ 40ہزار روپے مالیت کے پرائزبانڈزستمبرسے خریدنے والے کے نام سے رجسٹرڈکئے جائیں گے دوسری صورت میں انہیں منجمد کردیاجائے گا۔
