اٹک (سی پی پی )اٹک میں 3 لاکھ روپے کی ادائیگی کے جھگڑے پر دوست نے دوست کی جان لے لی، رقم کی ادائیگی کیلئے گھر بلایا اور چاقو سے حملہ کرکے قتل کردیا، پولیس نے ملزم کو گرفتار کرلیا۔بچپن کی دوستی میں 3 لاکھ روپے کے تنازع نے دراڑ ڈال دی، اٹک میں دوست نے دوست کو چاقو کے وار کرکے قتل کردیا۔تفتیشی افسر کے مطابق تحصیل حضرو کے گائوں ملک مالا کے رہائشی حسن نعمان اور
محمد عامر آپس میں قریبی دوست تھے، دونوں کے درمیان رقم کا تنازع چل رہا تھا، پولیس نے قاتل دوست کو گرفتار کرکے مقدمہ درج کرلیا۔نوجوان کا کہنا ہے کہ مقتول دوست نے پہلے میرے گھر پر حملہ کیا، اس لئے میں اسے سیلف ڈیفنس میں مارا، میں مجبور تھا۔پولیس کے مطابق ملزم نے رقم کی ادائیگی کے بہانے دوست کو گھر بلا کر قتل کیا۔ حسن کی ماں نے بیٹے کو روکنا چاہا تو اس نے انہیں بھی زخمی کردیا۔
