اسلام آباد (این این آئی)قومی اسمبلی میں اپوزیشن لیڈر شہباز شریف نے میثاق معیشت کی تجویز پر پیشرفت نہ ہونے پر شکوہ کیا تو اسپیکر قومی اسمبلی نے میثاق معیشت کے معاملے پر کر دار ادا کر نے کااعلان کر دیا ۔بدھ کو اسپیکر قومی اسمبلی کی زیر صدارت ہونے والے اجلاس میں بجٹ پر بحث میں حصہ لیتے ہوئے اپوزیشن لیڈر شہباز شریف نے
میثاق معیشت کی تجویز پر پیش رفت نہ ہونے کا شکوہ کیا ۔ جواب میں اسپیکر اسد قیصر نے کہاکہ اس پر اب بھی بات ہوسکتی ہے، میں میثاق معیشت کے معاملے پر کردار ادا کروں گا۔ شہباز شریف نے کہاکہ میری پہلی تقریر میں کی گئی میثاق معیشت کی پیشکش کو حقارت سے ٹھکرادیا گیا ، اسد قیصر نے کہاکہ میثاق معیشت پر اب بھی بات ہوسکتی ہے۔ اسپیکر کے اعلان پر شہباز شریف کا پشتو میں جواب ’’ڈیرا ڈیرا مہربانی ‘‘۔
