لاہور این این آئی) آئندہ مالی سال کے بجٹ میں وزیر اعلی کے صوابدیدی فنڈز کیلئے ایک کروڑ 33 لاکھ مختص کردیئے گئے۔نجی ٹی وی کے مطابق تحریک انصاف کی حکومت کی جانب سے وزیراعلیٰ کے صوابدیدی فنڈز ختم کرنے کا اعلان کیا گیا تھا تاہم اس کے باوجود رواں مالی سال میں 5 کروڑ روپے کے صوابدیدی فنڈز کا اجرا کیا گیا جبکہ آئندہ مالی سال صوابدیدی فنڈز میں 1 کروڑ 33 لاکھ روپے مختص کر کے ہیڈ اکاؤنٹ بھی بنایا گیا ہے۔حکومت کی جانب سے صوبائی وزرا ء کے صوابدیدی فنڈز کا ہیڈ ختم تو نہیں کیا لیکن کوئی فنڈز مختص نہیں کیے گئے۔