اسلام آباد (نیوز ڈیسک ) لیو اور رتھ زینگر کی فیملی ان کے بارہ بچوں ،نواسے نواسیوں اور46 پڑ پوتوں پر مشتمل ہے جبکہ ان کے پڑپوتوں میں سے بھی ایک جوڑا صاحب اولاد ہے۔ امریکی جوڑے کی شادی کو 59 سال گزر چکے ہیں جبکہ ان کی شادی کی 60ویں سالگرہ بھی قریب ہی ہے کہ انہوں نے اپنے 100 ویں پڑ پوتے کی خاندان میں شمولیت کا اعلان کر دیا۔لیو اور رتھ زینگر ، کوئنسی کے رہنے والے ہیں، انہوں نے بتایا کہ 8 اپریل کو ان کے ہاں جیکسٹون زینگر کی پیدائش ہوئی جو کہ ان کا 46 واں پڑ پوتا جبکہ مجموعی طور پر 100 واں پوتا شمار ہوتا ہے. لیو زینگر نے مضحکہ خیز انداز میں اپنے خاندان سے متعلق بتاتے ہوئے کہا کہ ہماری خاندان اتنا بڑھ گیا ہے کہ ہم اگر چاہیں تو اپنا ایک ٹاؤن تشکیل دے سکتے ہیں. امریکی جوڑے کا کہنا ہے کہ ان کا پورا خاندان ہم آہنگی سے رہ رہا ہے، جبکہ خاندانی دعوتوں کے لیے ہمیں چرچ کرائے پر لینا پڑتا ہے، ان کا کہنا تھا کہ ہم خاندانی دعوتوں سے محظوظ ہوتے ہیں جبکہ ہمارے تمام نواسے، نواسیاں اور پوتے، پوتیا ں ہمیں جانتے ہیں اور پہچانتے بھی ہیں۔

مزید پڑھئے:کنگڈم ٹاور: دنیا کی بلند ترین عمارت کیسے تعمیر کی گئی