اسلام آباد( آن لائن)وزیر داخلہ اعجاز شاہ نے کہا ہے کہ آصف زرداری کی گرفتاری سے میرا کوئی تعلق نہیں ہے، عدالتیں آزاد ہیں قانون کے مطابق کام کررہی ہیں ،ملک کا وزیر داخلہ ہوں اس لئے آصف زرداری میرا نام لے رہا ہے۔ان خیالات کا اظہار انہوں نے منگل کے روز یہاں صحافیوں سے غیر رسمی گفتگو کرتے ہوئے کیا ۔صحافی نے سوال پوچھا کہ آصف زرداری نے اپنی گرفتاری

کا الزام آپ پر لگایا ہے جس کے جواب میں وزیر داخلہ نے کہا کہ اگر کسی نے سیاست سیکھنی ہے تو آصف زرداری سے سیکھے ،انہوں نے خود کہا تھا کہ اس طرح تو ہوتا ہے اس طرح کے کاموں میں ۔آصف زرداری کی گرفتاری سے میرا کوئی تعلق نہیں ہے ،اس وقت میں ملک کا وزیر داخلہ ہوں اس لئے وہ میرا نام لے رہا ہے، ملک میں عدالتیں آزاد ہیں وہ قانون کے مطابق کام کررہی ہیں ۔