اسلام آباد (مانیٹرنگ ڈیسک) معروف صحافی و تجزیہ کار عارف حمید بھٹی نے نجی ٹی وی پروگرام میں گفتگو کرتے ہوئےکہا کہ یہ لوگ پیسے پیسے کر رہے ہیں، بندہ ان سے پوچھے کہ کیا نواز شریف کے پاس پیسے نہیں یا پھر زرداری کے پاس پیسے نہیں ۔ عارف حمید بھٹی نے انکشاف کیا حکومت مخالف تحریک کے لیے ایک شخص نے دس کروڑ کا عطیہ دیا ہے۔یہ سب پیسہ بانٹنے کے لیے دیا گیا ہے اور ہدایات کی گئی ہیں
کہ بسیں ، ویگنیں لاؤ، لوگ لاؤ ، فی کس پانچ ہزار دو۔ انہوں نے کہا کہ وقت آنے پر میں نام بھی لے لوں گا۔ اللہ کی منشا میں بڑی منشا ہے جس پر پروگرام میں بیٹھے ایک اور تجزیہ کار نے کہا کہ ہو سکتا ہے کہ کسی نے دس کروڑ روپے دئیے ہوں لیکن جس کو دئیے ہیں کیا اس میں اتنا حوصلہ ہے کہ وہ دس کے دس کروڑ روپے خرچ کرے گا؟یاد رہے کہ عید سے پہلے اپوزیشن نے حکومت مخالف تحریک چلانے کا اعلان کیا تھا۔
