اسلام آباد(این این آئی)سپریم کورٹ نے 731.28ایکڑ سرکاری اراضی ڈی ایچ اے کو منتقل کرنے کے معاملہ پر ملزمان کو پلی بارگین کے لئے مہلت دے دی۔ 731.28ایکڑ سرکاری اراضی ڈی ایچ اے کو منتقل کرنے کے معاملہ پر 18 نامزد ملزمان کی ضمانتوں کی درخواستوں پر سماعت جسٹس عظمت سعید کی سربراہی میں تین رکنی بنچ نے سماعت کی ۔ ریونیو افسران کی جانب سے ایڈووکیٹ شاہ خاور عدالت میں پیش ہوئے اور کہا کہ ریونیو افسران نے

صرف تصدیق کی ہے جبکہ نیب کی جانب سے ایڈیشنل پراسیکیوٹر جنرل نیئر رضوی عدالت میں پیش ہوئے اور کہاکہ 731.28 ایکڑ اراضی ہائی وے کی تھی ۔انہوں نے کہاکہ جعلی زمین مالکان نے قومی خزانے کو 2.84 ارب کا نقصان پہنچایا، جعلی زمین مالکان نے زمین کے عوض 11سو35 پلاٹ ڈی ایچ سے لیئے۔ نیئر رضوی نے کہاکہ 18 نامزد ملزمان ہیں ایک ملزم نے پلی پارگین کی درخواست دے دی ہے۔عدالت نے دیگر ملزمان کو پلی بارگین کے لئے مہلت دے دی۔

موضوعات:ڈی ایچ اے