ابوظہبی(این این آئی)عرب امارات کے بوڑھے خودساختہ ارب پتی نے عدالت میں ابوظہبی کی ملکیت کا دعویٰ کردیا،میڈیارپورٹس کے مطابق عرب ملک کے ایک بوڑھے خودساختہ ارب پتی نے ابوظہبی کے شہریوں کی زندگی اجیرن کر رکھی ہے۔انہوں نے ابوظہبی کی عدالتوں میں بینکوں اور کمپنیوں پر مقدمات کی بھرمارکر دی۔ نادار بوڑھے ارب پتی کویہ وہم ہو گیا ہے کہ ابوظہبی کے شہری اس کے آباؤ اجداد کی زمین پر ناجائز قبضہ
کئے ہوئے ہیں۔بوڑھے کا خیال ہے کہ جنات کی مدد سے اس کے آباؤ اجداد نے سونے، چاندی، الماس، ہیرے جواہرات کا غیر معمولی ذخیرہ ابوظہبی منتقل کیا تھا۔یہ سینکڑوں برس پرانی کہانی ہے۔بوڑھا نادار عرب شہری جس کے کپڑے غلیظ اور گندے ہیں۔ ابوظہبی کے باشندے اسے نادار ارب پتی کہنے لگے ہیں۔یہ ابوظہبی کی سول اور فوجداری کی عدالتوں میں مقدمات کثیردائر کیے ہوئے ہے جبکہ اس کے خلاف بھی مقدمات ہیں۔
