لاہور (این این آئی) وزیراعلی پنجاب سردارعثمان بزدار نے ریسکیو 1122 میں 1753 خالی اسامیوں پربھرتی کی اجازت دیدی، محکمہ داخلہ نے ریسکیو 1122 میں خالی اسامیوں پربھرتی کی سمری بھجوائی تھی۔تفصیلات کے مطابق محکمہ داخلہ نے وزیراعلی پنجاب عثمان بزدار سے ریسکیو1122 میں خالی اسامیوں پر بھرتیوں کی

سفارش کی تھی،اس سلسلے میں وزیراعلی پنجاب کوسمری بھجوائی گئی تھی، وزیراعلی پنجاب نے ریسکیو 1122 میں 1753 خالی اسامیوں پربھرتی کی اجازت دیدی، انہوں نے اجازت دیتے ہوئے معاملہ کابینہ کمیٹی کے سپردکردیا۔ذرائع کاکہناتھاکہ کابینہ کمیٹی کی منظوری کے بعد 1122 کی خالی اسامیوں پربھرتی ہوگی۔