لاہور(این این آئی)تھیٹر ، ٹی وی اور فلم کے نامور اداکار حسن مراد نے کہا ہے کہ منور ظریف جیسا کامیڈین پورے بر صغیر میں پیدا نہیں ہوا ، منور ظریف کے ساتھ کام کرنا چاہتا تھا لیکن یہ حسرت دل میں رہ گئی ۔خصوصی گفتگو کرتے ہوئے حسن مراد نے کہا کہ میں منور ظریف کے فن سے بے حد
متاثر تھا اور ان کے ساتھ فلموں میں اداکاری کرنا چاہتا تھا ۔ انہوں نے کہا کہ منور ظریف کی شوٹنگ دیکھ کر اس طرف آنے کاشوق پیدا ہوا اور میں نے منور ظریف کی بے شمار فلمیں دیکھ رکھی ہیں۔انہوں نے کہا کہ منور ظریف جیسا کامیڈین پورے بر صغیر میں پیدا نہیں ہوا اور شاید ان کا خلاء کبھی پر نہ ہو سکے ۔
