نیویارک (این این آئی)ہالی ووڈ اداکارہ بلیک لائولی نے اپنے شوہر اداکار رائن رینالڈز کی فلم’ ’ڈیٹیکٹو پکاچو‘‘ کے پریمیئر کے دوران پوری دنیا کو حیران کردیا۔ فلم رواں سال 10 مئی کو سینما گھروں میں نمائش کے لیے پیش کی جائے گی-ہولی وڈ کا یہ کامیاب جوڑا فلم ’ڈیٹیکٹو پکاچو‘ کے پریمیئر میں ییلو کارپٹ
(زرد قالین) پر جلوہ گر ہوا۔اس دوران بلیک لائولی اپنے شوہر کو سپورٹ کرنے زرد رنگ کے خوبصورت گاؤن میں نظر ا?ئیں۔لیکن جس بات نے سب کو حیران کردیا وہ یہ تھی کہ بلیک لائولی نے اس تقریب کے دوران دنیا کے سامنے اعلان کیا کہ وہ تیسرے بار ماں بننے والی ہیں۔اداکارہ اس ایونٹ میں اپنے شوہر کے ہمراہ نظر آئیں جبکہ میڈیا کی تمام تر توجہ فلم کے بجائے اداکارہ کے حاملہ ہونے کی خبر پر چلی گئی۔بلیک لائولی نے اپنے بیبی بمپ ( bump baby) کے ساتھ فوٹوگرافرز سے خوب تصاویر بھی بنوائیں۔رائن اور بلیک کے ہاں پہلے بیٹے جیمز کی پیدائش 2014 میں ہوئی، جس کے بعد ان کی بیٹی ا?نیز 2016 میں پیدا ہوئی۔خیال رہے کہ رائن رینالڈز اور بلیک لائولی کی شادی 2012 میں ہوئی تھی، یہ بلیک لائولی کی پہلی جبکہ رائن رینالڈز کی دوسری شادی ہے۔فلم ’ڈیٹیکٹو پکاچو‘ بچوں میں مقبول پوکیمون کارٹون کے ایک مشہور کردار پر مبنی ہے۔رائن رینالڈز کے آواز کے ساتھ بننے والی یہ متاثر کن فلم رواں سال 10 مئی کو سینما گھروں میں نمائش کے لیے پیش کی جائے گی۔
