لاہور(این این آئی)فلمسٹار ثناء نے کہا ہے کہ جب کچھ کرنے کا جنون ختم ہو جائے تو آپکے اندر کا فن بھی ختم ہو جاتا ہے ، جب میں نے ٹی وی پر کام شروع کیا تو اس وقت میں فلموں کی ہیروئن تھی مگر نے خود ہی فلموں کو چھوڑ کر ٹی وی پر آنے کا فیصلہ کیا ۔ انہوں نے کہا کہ میرے نزدیک خوبصورتی کا معیار صرف ٹیلنٹ ہے اور میں اسی کو ہیرو مانتی ہوں جس میں

ٹیلنٹ ہے ،خوبصورت ہونا ایک اضافی خوبی ہو سکتی ہے ۔ ثناء نے کہا کہ فلم ’’یہ دل آپ کا ہوا ‘‘میرے کریئر کی پہچان بنی ۔میں نے لاتعداد اردو اور پنجابی فلموں میں اداکاری کی ۔میں نے شادی سے قبل اتنا کام نہیں کیا جتنا شادی کے بعد کیا،میرے پر پہلے سے زیادہ ذمے داریاں ہیں ،شوہر کے ساتھ دو بچوں کی پرورش اور ان کی تعلیم پر بھرپور توجہ دے رہی ہوں ۔