لاہور ( این این آئی)فلمسٹار میرا 12مئی کو اپنی 41ویں سالگرہ منائیں گی ۔ ذرائع کے مطابق اداکارہ میرا کا اصل نام ارتضیٰ رباب ہے اور وہ 12مئی بروز اتوار کو اپنی 41ویں سالگرہ کا کیک کاٹیں گی ۔ اس حوالے سے شوبز حلقوں کا کہنا ہے کہ اداکارہ میرا پچھلے پانچ چھ سالوں سے اپنی 40ویں یا 41ویں

سالگرہ ہی منا رہی ہیں اور اب انہیں 41سال سے آگے بھی چلے جانا چاہیے ۔ انہیں فلموں میں کام کرتے ہوئے تیس سال سے زیادہ کا عرصہ گزر چکا ہے اور وہ آج بھی خود کو نو عمر سمجھتی ہیں ۔اداکارہ میرا کی عمر پچاس سال سے زیادہ ہے اور اداکارہ کو اپنی سالگرہ کی نصف سنچری منانی چاہیے تھی ۔